Dieđiheapmi mánáide ja rávisolbmuide

 

Dieđiheapmi nuoraide (16-24)

 

Sámi girkobeaivvit (earret Kajsa Balto-konsearta) leat nuvttá buohkaide.

 

Mii goitge bivdit buohkaid dieđihit lágideapmái almmuhanliŋkka bokte, vai mii diehtit man olu olbmot leat doaluin, ja vai sáhttit plánet nu buori lágideami go vejolaš. 

 

Dieđit ovdal geassemánu 10. beaivvi.

 

Jus dieđihat doaluide, de máksá Kajsa Balto konsearta 

NUVTTÁ mánáide ja nuoraide (0-24 jagi) ja

150 NOK rávisolbmuide (25 jagi +)

 

Jus it dieđit, ja oasttát bileahta Kajsa Balto konsertii uvssas, de máksá 

150 NOK mánáide ja nuoraide (0-24 jagi) ja 

300 NOK rávisolbmuide (25 jagi +)        

 

Gii lea ulbmiljoavku Sámi girkobeivviin? 

Sámi girkobeaivvit leat vuosttažettiin sámi álbmoga várás miehtá Sámi ja doibmet dehálaš deaivvadanbáikin gosa olbmot iešguđetge duogážiin ja oskkuovdanbuktimiin čoahkkanit juogadit vásáhusaid ja nannet searvevuođa. 

Doaluin lea sierra nuoraidprográmma, danin go Sámi girkobeaivvit lea guovddáš deaivvadanbáiki sámi nuoraide. Dáppe nuorat ožžot vejolašvuođa dutkat oskku ja kultuvrra ovttas iežaset ahkásaččaiguin movttiidahtti ja fátmmasteaddji birrasis. Mii deattuhat maiddái láhčit dili mánnábearrašiidda, doaimmaiguin ja vásáhusaiguin mat dagahit ahte oassálastin lea miellagiddevaš sihke unniide ja stuorráide. 

Dasa lassin bálkáhit Sámi girkobeaivvit fágaolbmuid ja akademihkkariid geat barget sámi ja álgoálbmotgažaldagaiguin. Doalut maid sávvet bures boahtima báikkálaš olbmuide ja eará berošteddjiide geat leat sáhkkit diehtit sámi kultuvrra ja girku servodatrolla birra. 

Sámi girkobeaivvit lea arena iešguđet girkoorganisašuvnnaid ovddasteddjiide, eará searvegottiide ja servvodatoassálastiide. Ovttasbargguin ja vásáhuslonohallamiin nannejuvvo searvevuohta ja áddejupmi iešguđet árbevieruid ja fágasurggiid rastá.