Kajsa Balto lea maŋemus jagiid šaddan guovddáš sámi jietnan norgga musihkkalávddis. Son lea čalmmustahttán iežas čohkkejeaddji gaskkusteaddjin, ja sus lea silolaš vokálaovdanbuktin ja liekkus sáttasátni. Álelassii čájeha Kajsa ahte sus lea juoga dehálaš váimmus, ja son ovdanbuktá iežas materiála duohta ja fámolaš vugiin. Su geasuheaddji intensitehta čuohcá ja guldaleddjiin šaddá miella gullat eambbo.
Kajsa lea bajásšaddan Oslos rivgo etniin ja sámi áhčiin, kultuvrralaš duogáš mii lea nai hábmen su dáiddalaš geahččanguovllu. Son lea ráhkadan sierra musihkalaš máilmmi, gos son bargá rasttidit šáŋŋerrájiid, mas vuođđun leat davvisámi juoigan- ja sálbmaárbevierut
Miessemánu 17.b.2024:s son almmuha njealját skearru “Rájás” (på grensen) ja oaččui ollu rámi ja symbolalaččat lei hui dehálaš go lávllui NRK nationálabeaivi sáddagis. Vuosttaš sotnabeaivvi juovlamánus 2024 bođii maid historjágirjjiide kulturhistorjjálaš olahussan, danin go son čuojahii vuosttaš sámi juovlakonseartta Operas ovttas KORK:in. Son vuvddii buot sajiid váldolávddis ja konsearta sáddejuvvui NRK:as. Maŋemus jagiid lea ožžon hui ollu rámi sihke dáppe sisriikkas ja riikarájiid olggobealde, ja vuostáiváldán máŋga bálkkašumi iežas barggu ovddas.
Lávddis;
Kajsa Balto (vokála)
Ragnhild Tronsmo (cello)
Kajsa Balto čuojaha Nordlyskatedrálenis lávvordaga geassemánu
28. beaivvi dii. 20:00.
Bileahta oastát uvsssas diibmu 19:30 rájes.
150 NOK (0-24)
300 NOK (25+)
Mánát vuollel 13 jagi, rávisolbmuin gii lea 18 jagi dahje boarrasit.