Heilage, treeinige Gud, du som er kjelda til visdomen, freden og kjærleiken!
Saman med kyrkjer i heile verda kjem vi til deg og bed:
Vern folket i Ukraina!
Kom med di trøyst til alle som er redde,
og som opplever at fiendlege militærstyrkar invaderer landet deira.
Lat dei erfara din kjærleik og fred,
og få kraft til å leva gjennom dagane
og finna mot til gode gjerningar.
Til deg kjem vi med vår uro og bed om fred i Europa og verda.
Gje leiarane i verda visdom, mot og handlekraft til å avslutta krigshandlingane, redda menneskeliv og finna fredelege løysingar.
Jesus Kristus, du som er lyset i verda, kom med din fred! Amen.