Storfjorden kyrkjelege fellesråd dekkjer vakre fjordbygder og turiststader i indre Sunnmøre. Kyrkjeverja har ei sentral rolle i utviklinga av folkekyrkja i Stranda og Fjord kommunar, i samarbeid med prestetenesta. Storfjorden kyrkjelege fellesråd består av 6 sokn, 7 kyrkjer, og er gravplassmyndigheit i kommunane med forvaltningsansvaret for 9 gravplassar og andre bygg som høyrer til kyrkjene. Kyrkjeverja er den øvste administrative leiaren for kyrkjeleg fellesråd, og skal hjelpe fellesrådet med å leie strategi - og utviklingsarbeid. Kyrkjeverja har óg ansvar for kyrkja sin administrasjon og økonomi med investeringar, drift og vedlikehald av eigedommar med eit årleg driftsbudsjett på ca. 11 mill. kroner. Stillinga inneber arbeidsgjevaransvar for ca. 15 tilsette (10 årsverk), som pr. i dag er assisterande kyrkjeverje / rådgjevar økonomi, sekretær, 5 kyrkje- og gravplassarbeidarar, 3 kantorar, 2 kyrkjelydspedagogar og 1 diakon (vakanse) og 1 reinhaldar. I tillegg har stillinga HMS-ansvar for sokneprestane. Kyrkjekontoret ligg i Stranda sentrum.
Kyrkjeverja skal vera ein synleg representant for fellesrådet og bidra til dialog og samarbeid med både politiske og administrative offentlege myndigheiter; både kommunen, prosten, bispedømmerådet, Riksantikvaren og andre relevante instansar.
Storfjorden kyrkjelege fellesråd søkjer ein engasjert og utviklingsorientert kyrkjeverje/dagleg leiar som er trygg i leiarrolla og som har evna til å utvikle verksemda til fellesrådet. Den nye kyrkjeverja må ha solid sosial kompetanse og forståing for kva det inneber å leie ei verksemd med tilsette i ulike profesjonar, og å samarbeide med frivillige som bidreg med betydeleg innsats. Stillinga krev gode skriftlege ferdigheiter, samfunnsinteresse og solid arbeidskapasitet.
Arbeidsoppgaver
- Leie og utvikle verksemda og ansvarsområdet til fellesrådet, og på vegne av rådet
- Ivareta administrative og økonomiske oppgåver på vegne av sokna gjennom kyrkjeleg fellesråd
- Utarbeide mål og planar for verksemda til fellesrådet
- Ivareta arbeidsgjevaransvaret for dei som blir lønna over fellesrådsbudsjettet
- Forståing for budsjett, økonomi og rekneskapsarbeid
- Gravplassforvaltning
- Saksbehandling for fellesrådet og oppfølging av vedtak som blir fatta der
- Bidra til samhandling og fremme samarbeid mellom aktuelle kyrkjelege organ, samt representere i forhold til aktuelle offentlege myndigheiter
- Kyrkjeverja har eit særskilt ansvar for å ivareta kyrkjebygg- og gravplassforvaltning som ligg til fellesrådet, og vidare ivareta interesser for sokna i forhold til kommunen
- Sørge for eit inkluderande arbeidsfellesskap for stab og frivillige.
Kvalifikasjoner
- Erfaring med personalleiing, økonomistyring, administrasjon og planarbeid
- Relevant utdanning på høgskulenivå med minimum bachelorgrad eller tilsvarande. Særleg relevant realkompetanse kan vege opp for manglande formell utdanning
- Gode digitale ferdigheiter
- Gode evner til å arbeide med komplekse problemstillingar
- God formuleringsevne på norsk, både munnleg og skriftleg. Målforma er nynorsk.
- Medlem i Den norske kyrkje og at du kan identifisere deg med verdigrunnlaget til kyrkja og oppdraget «Meir himmel på jord».
- Søkjar må disponere eigen bil
Personlige egenskaper
- Gode samarbeidsevner med fokus på lagbygging
- Gode kommunikasjonsferdigheiter
- Kunne glede seg over å sjå resultat gjennom medarbeidarar
- Stor evne til å arbeide sjølvstendig og ta initiativ
- Serviceinnstilt, påliteleg og strukturert
- Personleg egnaheit vil bli vektlagt
Vi tilbyr
- Fast tilsetjing
- Lønn- og arbeidsvilkår etter gjeldande avtaleverk og pensjonsordning i KLP
- Varierte arbeidsdagar og fleksibel arbeidstid
- Kjøregodtgjering utbetalt etter gjeldande regelverk
- Arbeidsplass i eit vakkert område med rikt friluftsliv og kulturliv.
- Delta i grunnkurs for kyrkjeverjer i regi av Hovedorganisasjonen KA
Annet
Det må leggjast fram politiattest før tilsetting i samsvar med Trossamfunnslovens § 20 og Politiregisterloven § 39, første ledd.
Når søknadsfristen er ute, vil det bli utarbeidd offentleg søkjarliste. Ønskje om å bli unntatt frå denne lista må grunngjevast i søknadsportalen, og du vil uansett få ei tilbakemelding på dette. Dersom ønskje ditt ikkje kan imøtekomast, vil det vera mogleg å trekkje søknaden
Kontaktinformasjon
Petra Riste Synnes
Kyrkjeverje