Tradisjonen tru vert det olsokfeiring på Fjon også i år – ein stad og ei høgtid som bind saman tru, tradisjon og fellesskap. Sokna i Gulen er medlemmar i Fjon-samarbeidet, og er del av det breie fellesskapet som årleg samlast til feiring ved fjellkyrkja.
I 2025 er det Lindås sokn som har hovudansvaret, i samarbeid med styret for fjellkyrkja. Kvelden startar med gudsteneste ved Ole Marton Ølberg og Ove Danielsen. Etterpå vert det sal av rømmegraut og kaffimat, åresal og eit lite program før vi rundar av ved bålpanna.
Velkommen til ei stemningsfull olsokmarkering på Fjon!