Nyhende

• 9.3.2026

  Reint vatn har endra livet!

  Før måtte Tsion og Gaba grava med berre hendene i sanden i ei uttørka elv for å finna vatn – skittent vatn. No har livet endra seg for dei to jentene og resten av landsbyen. Dei har fått tilgang til reint, rennande vatn.

• 

  Kirkens Nødhjelp sin fasteaksjon: Håp i ein drope vatn!

  Kirkens nødhjelp sin fasteaksjon nærmar seg. I år er denne 24. mars her på Sula. Då vil konfirmantane våre ilag med frivillige vere i sving for å organisere og gå med bøsser for å samle inn pengar til fasteaksjonen. Hovudfokuset for aksjonen er reint vatn til menneske som ikkje har tilgang på dette idag! Ta godt i mot dei og hjelp oss å hjelpe!

• 26.2.2026

  Temakveld med filmvisning og samtale - Werner Anderson og Anitra Kringstad

  1034 - Livet etter døden. Tragedien som vart film. Anitra Kringstad mista treåringen sin i 2005 og dødsulykka vart etter 8 års samarbeid med fotograf Werner Anderson publisert som ein dokumentar i 2022. Den handlar om å miste det umistelege, og å overleve sorga, takle skuldkjensla utan å gå under sjølv. Filmvisning og samtale 18.03 kl. 19.00 i Indre Sula kyrkje.

• 26.2.2026

  06. mars - Kvinnenes internasjonale bønnedag!

  Fredag, 6.mars blir Kvinnenes internasjonale bønnedag markert over heile verda. På denne dagen bind vi verda saman i bøn. Når vi vaknar, har andre allereie bedt i aust, og når vi går til kvile, held andre fram med bønene i vest.