Sámi girkobeivviin lea gelddolaš ja máŋggabealat prográmma mánáide ja bearrašiidda nai!
Daid searvái gullá Ánte Mihkkal Gaup Nástegoahti čájálmas. Šaddá maiddái muitalusboddu, filbmačájeheapmi, lego, ja ollu eará suohtas doaimmat. Muhtun fálaldagat leat ordnejuvvon nu ahte mánát sáhttet ieža okto searvat, dan botta go ovddasteaddjit servet váldoprográmma semináraide.
Maid Áltá sáhttá fállat?
Festiválaguovlu lea Álttá guovddážis, ja máŋga bearašdoaimma leat das lahkosis.
Nordlysbadet – buorre vuojadanbáiki dušše oanehis vázzinmátkki duohken.
Bowlinghálla – suohtas heivvolaš bearašdoaibma.
Stoahkanguovllut – lahkosis gávdnojit guokte olgostoahkanšilju: okta toarggas, sullii vihtta minuhta vázzit Nordlyskatedrálenis dohko, ja nubbi juste olggobealde katedrála, mii heive nai buot unnimusaide.
Girjerájus ja kino - buorit molssaeavttut jus háliida jaskesbottu ovttas.
Čoaggananbáiki buohkaide
Stuora lávvu mii gávdno párkkas girku olggobealde. Dáppe gávnnat suoji jus arvá, vuoiŋŋastallat sáhtát lágidemiid gaskkas dahje návddašit borranbottu. Muhtun váldoprográmma prográmmapoasttain dáhpáhuvvet nai lávus, muhto vuosttažettiin dat lea rabasin sosiála deaivvadanbáikin.
Čuovo mielde
Mánáid ja bearrašiid prográmma gávdná dás prentehahtti PDF-hámis vai didjiide lea álki plánet beivviid.
Mii illudit oaidnit din Álttás!