Konfirmantleir brukar å vere eit høgdepunkt i konfirmantåret! Vi reiser til Ulsteinvik, og lagar leir på Sunnmøre folkehøgskule. På leiren legg vi vekt på å skape ei god leirstemning, med veksling mellom aktivitet, undervisningstid i ulike former og tid til å vere saman.
Før leiren sender vi ut meir informasjon, pakkeliste og program. Mange gler seg til leir, nokre synes det kan vere ei utfordring. Ta kontakt med oss tidleg på året om du har spørsmål knytt til leiren. Det er viktig at vi veit om særlege behov for tilrettelegging osv. så tidleg som mogleg.
For å få til konfirmantleir, er vi avhengig av foreldre/føresette som kan stille som nattevakter. I løpet av månaden før leir, sender vi ut førespurnad til foreldre/føresette om å melde seg til dette.
Leir 1: Laurdag 14.-mandag 16.februar: Ørsta A
Ler 2: Mandag 16.-onsdag 18.februar: Ørsta B + Hjørundfjord + Vartdal