Sokna i Askvoll, Fjaler, Høyanger og Hyllestad har inngått eit nytt samarbeid om felles pedagog til den kyrkjelege undervisninga for barn og unge frå 0-18 år i samarbeidsområdet.
Stillinga er ledig for snarleg tiltreding, og den som vert tilsett vil få ei leiande rolle i realisering og vidareutvikling av dei vedtekne planane i sokna.
Kyrkjelydspedagogen vil utføre arbeidet sitt i samarbeid med lokale utval i sokna, styringsgruppa for stillingssamarbeidet, sokneprest, kantor/organist og andre lønna og ulønna medarbeidarar.
Det er om lag 1350 kyrkjemedlemer i aldersgruppa 0-18 totalt i sokna. Plan for den kyrkjelege undervisninga er vedteke i alle sokna, men ikkje alle tiltaka er innfasa enno.
Arbeidet vil vere lokalisert i heile regionen. Ein naturleg felles samlingsstad er Alværa kyrkje- og misjonssenter (NMS). I regionen er det mange lokale som er godt eigna for arbeidet med barn og unge, med mellom anna multimediautstyr, fleksibel møblering, kjøkkenfasilitetar m.v. Det er jamt over god oppslutning i sokna. For nærare informasjon om sokna og om undervisningstilbodet til barn og unge, sjå:
www.kyrkja.no/askvoll
Arbeidsoppgåver:
-
-Fylgje opp og vidareutvikle lokale planar for kyrkjelege undervisning og læring i sokna
-
-Saman med utval på soknenivå og styringsgruppa ha ansvar for at tiltaka i læringsplanane vert gjennomførte.
-
-Ansvar/deltaking i gudstenester knytt til kyrkjeleg undervisning og læring
-
-Ha ansvar for, og delta i arbeid blant born og unge, mellom anna konfirmantarbeid.
-
-Rekruttere og inspirere uløna medarbeidarar.
-
-Profilere kyrkjeleg undervising og læring i ulike medier.
-
-Rapportering.
Vi ynskjer ein person som:
-
-Har interesse og engasjement for kyrkjeleg arbeid for born og unge.
-
-Har minimum 3-årig høgare utdanning med pedagogikk og/eller kristendom i
fagkrinsen. Manglande utdanning kan kompenserast med relevant erfaring.
-
-Har kjennskap til Den norske kyrkja si verksemd.
-
-Har gode kommunikasjonsevner og norskkunnskapar og erfaring med sosiale medier.
-
-Kan arbeide sjølvstendig og systematisk.
-
-Har personlege eigenskapar som gjer ein skikka for stillinga (engasjement, kreativitet, formidlings- og samarbeidsevne).
Opplysningar om stillinga:
-
-Løn etter kvalifikasjonar etter gjeldande tariffavtale i KA sitt tariffområde.
-
-God pensjonsordning i KLP.
-
-Kyrkjeverja i vertsfellesrådet er næraste overordna for stillinga.
-
-Fast kontorplass etter avtale.
-
-Ein må rekne med noko arbeid på kveldstid og i helgar.
-
-Søkjar må vere medlem av Den norske kyrkja.
-
-Søkjar må disponere bil (skyssgodtgjersle).
-
-Den som vert tilsett må levere tilfredsstillande politiattest.
-
-Oppstart i stillinga: 1. februar eller etter avtale.
For nærare opplysningar om stillinga, ta gjerne kontakt med:
Kyrkjeverja i Fjaler:
Kristin Kalstad telefon 917 15 126, e-post: kk636@kyrkja.no
Kyrkjeverja i Askvoll:
Rune Ziener, telefon 479 63 319, e-post: rz459@kyrkja.no
Kyrkjeverja i Høyanger:
Stig Jonny Fitje, telefon 917 63 803, e-post sf729@kyrkja.no
Søknad med CV og kopi av vitnemål og attestar kan sendast på e-post eller post til kyrkjeverja i Askvoll:
Askvoll sokn
Postboks 14
6988 Askvoll
Søknadsfrist: 5. januar 2026