I Aurland har me 4 sokn – Vangen, Flåm, Undredal og Nærøy. Vangen sokn er det største med ca. 900 medlemmar og Undredal og Nærøy sokn er dei minste med ca. 50-55 medlemmar. Flåm sokn har ca. 200 medlemmar.
Trusopplæringsarbeidet Nye Steg er felles for alle sokna, og vert ofte gjennomført i Vangen kyrkje. Elles er alle kyrkjene jamnleg i bruk til gudstenester med ca. annakvar veke i Vangen kyrkje, ca. 1 gong i månaden i Flåm kyrkje og ca 6 gonger i året i Undredal og Bakka kyrkje. Det er mogleg å ha dåp og vigsel i alle kyrkjene. Gravferder vert gjennomført frå Vangen, Flåm og Bakka kyrkje. Gravferder for busette i Undredal sokn vert frå Vangen kyrkje.
Vangen sokn har Vangen kyrkje som si soknekyrkje. Dette er den største steinkyrkja i Sogn og ho er frå 1202 (status freda). Her kan du lese meir om kyrkja Vangen kirke – Norske kirker
Flåm sokn har Flåm kyrkje som si soknekyrkje. Dette er ei tømra langkyrkje frå 1670 (status verna). Her kan du lese meir om kyrkja Flåm kirke – Norske kirker
Undredal sokn har Undredal kyrkje som si soknekyrkje. Dette er Noregs minste stavkyrkje og ho er frå 1147 (status freda). Her kan du lese meir om kyrkja Undredal kyrkje – Norges Kirker
Nærøy sokn har Bakka kyrkje som si soknekyrkje. Dette er ei trekyrkje frå 1859 (status listeført). Her kan du lese meir om kyrkja Bakka kirke – Norske kirker