Nyhende

Fitjarhelg på Helgatun 17-19. april
13.2.2026
Velkommen til Fitjarhelg på Helgatun 17. - 19. april. Dette er ei helg for alle aldrar, ei helg med påfyll for kropp og sjel, ei helg der ein går til duk og dekka bord, ei helg med gode samlingar og mykje tid til å slappe av og vere saman og til å boltre seg i snøen!
Temakveld i Fitjar kyrkje - torsdag 26. februar kl. 19.30
4.2.2026
Torsdag 26. februar kjem Hans Eivind Riise og oppmodar oss om å «Ta sjansen på å blomstre i andre halvdel av livet!» Han nyttar enneagrammet som ein analyseredskap når det gjeld å bli kjend med dei ulike personlegdomstypane. Dette er eit felt han har undervist i gjennom mange år, og som for svært mange har ført til vekst og innsikt. Han illustrerer og døma med song og bilete.
Småbarnssong
3.2.2026
Velkomen til småbarnssong i Fitjar kyrkje kl. 17:30-18:45 for alle som er eller blir 2,3 og 4 år i åg!
Open kyrkje våren 2026

Her finn du oversikt over kva tid det er open kyrkje denne våren.
Temakveldar våren 2026

I løpet av våren blir det fleire spanande temakveldar i Fitjar kyrkje. Sjå oversikta for meir info.
Ny sokneprest i Fitjar sokn
19.12.2025
Tilsettingsrådet i Bjørgvin bispedøme har tilsett Eli-Johanne Rønnekleiv som ny sokneprest i Fitjar sokn. Rønnekleiv har takka ja til stillinga, og ser fram til å ta til i tenesta i soknet. Innsetjingsgudstenesta vert halden søndag 22. mars 2026, og markerer starten på hennar virke som sokneprest i Fitjar.
Kyrkjebladet desember 2025
17.12.2025
Det fjerde nummeret av kyrkjebladet i år er distribuert til husstandane i Fitjar. Om du ikkje fekk bladet kan du ta med eit blad frå kyrkja. Du finn også bladet som vedlegg i dette oppslaget.
Bli med på gjevartenesta og støtt trusopplæringa

Bli med på gjevartenesta og støtt trusopplæringa i Fitjar kyrkjelyd. Dei siste åra har Fitjar sokneråd satsa sterkt på trusopplæring for barn og unge i kyrkjelyden. Frå bispedømet får me tilskot til å dekka ca. 40% stilling som trusopplærar, men ved hjelp av lokal finansiering har me greidd å auka stillinga til 90%. Dette har opna for eit arbeid med stor breidde og høg kvalitet. Randi Lønning Matre, som har ansvar for trusopplæringa, er ein svært dugande medarbeidar. Gjennom året gjennomfører ho og sokneprest Olav Oma, saman med gode frivillige medarbeidarar, mange kjekke aktivitetar for dei unge.
Parkering Fitjar kyrkje

Ved store arrangement i kyrkja og på bedehuset kan det bli knapt med parkeringsplass. For at ikkje bonden på Fitjargarden skal få skadar på avling og andre ulemper, må me be om at det ikkje vert parkert på bakken eller langs vegen. Det er som regel ledige parkeringsplassar i sentrum. Takk for at de tek omsyn.

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"