Boka 4-åringen får er ein barnebibel med fine bilete. Den blir delt ut under gudstenesta søndag 28. september kl. 11. Då skal me ha familiegudsteneste der 4-åringane med familie er invitert.
Men før det har me lyst til å møte deg og bli litt betre kjent med deg. Derfor vil me invitere deg og ein vaksen til kyrkja fredag 26. september kl.17. Denne gongen har me valgt fredag ettermiddag sidan det er mykje som skjer i bygda for familiar på laurdagen. Fredag ettermiddagen skal me sjå oss om i kyrkja, ha ein minisøndagsskule og kose oss med bollar og saft. Om du ikkje kan møte på fredag er du like velkomen på søndag. Me gler oss til ei inhaldsrik og kjekk helg og me gler oss til å treffe deg.
Me ynskjer påmelding på førehand, då me skal dele i grupper og servere bollar.
Hugs å melde frå om allergiar/intoleransar.
Alle er hjarteleg velkomne!