Nyhetsarkiv

Sorggruppe
9.9.2025
Har du mista ein av dine næraste? Ynskjer du å snakke med andre i same situasjon? Då kan kanskje sorggruppe vera noko for deg. Me startar opp igjen med sorggruppe for innbyggjarar i Lærdal, Aurland og Årdal. Alle samlingane vert haldne i Lærdal, i Kyrkjestova ved Hauge kyrkje. Fyrste samling vert 4. nov. 2025 kl. 18.00 – 20.00. Det vert sett fram kaffimat og kaffi/te.
Kyrkjeklokkene ringer i heile landet 7. august kl. 15.00 for fred i Gaza
5.8.2025
Det vert ringt med kyrkjeklokkene frå Hauge kyrkje 7. august frå kl. 15.00-15.15, kyrkja vil vere open frå kl. 14.30 til 15.30 for lystenning, stille og bøn.
Velkomen som konfirmant 2026

I desse dagar vert det sendt ut invitasjon i posten til å melde seg opp som konfirmant i 2026. Invitasjon vert send ut til alle som er registeret som medlem i vårt lokale medlemsregister og som er fødd i 2011. Men det er ikkje eit krav at du skal vere medlem for å delta, alle kan delta som er fødd i 2011. Nederst på sida finn ein invitasjonsbrevet.
Aktivitetsleir på Nesholmen - ny pris
13.5.2025
KFUKM har fått tildelt midlar til leiren og me kan tilby leir til rimelegare pris: deltakar kr. 700 og kr. 500 for søsken. Det er ei stor glede å kunne invitere deg og andre 11-13 åringar frå Lærdal, til aktivitetsleir på Nesholmen leirstad, som ligg ved Storefjorden i Hyen (omlag ein time frå Førde). Leiren vert arrangert i eit samarbeid mellom KFUK/KFUM og Den Norske kyrkja, og er ein del av kyrkja i Lærdal si satsing på born og unge.
Konfirmantar 2025
28.4.2025
Her kan de sjå kven som skal konfirmerast i dei ulike kyrkjene. Men ynskjer konfirmantar og familie hjarteleg til lukke med den store dagen.
Velkomen til gudsteneste i Lærdal i påska!
10.4.2025
Miniklubben - nytt tilbod for dei mellom 4-6 år
25.2.2025
Velkomen til Miniklubben i kyrkjestova attmed Hauge kyrkje. Onsdag klokka 17-18 | 12. mars, 26. mars, 9. april, 23. april og 7. mai.
Sorggruppe
12.2.2025
Har du mista ein av dine næraste? Ynskjer du å snakke med andre i same situasjon? Då kan kanskje sorggruppe vera noko for deg. Det vert tilbod om sorggruppe for innbyggjarar i Lærdal og Aurland. Sorggruppa vil halde til i Kyrkjestova, ved Hauge kyrkje, Lærdal.
Morsdagsgudsteneste i Tønjum kyrkje
5.2.2025
Velkomen til morsdagsgudstenste i Tønjum kyrkje 9. februar kl. 11.00. Det vert dåp, kollekt til kyrkja sitt barne- og ungdomsarbeid. Damene i kyrkjekaffigruppa har ikkje teke fri denne dagen, men vil lage til flott morsdagskakebord bak i kyrkja etter gudstenesta. Så ta gjerne turen til kyrkja kommande søndag.
Livskvalitet, meistring, hetetokter og humor i Hauge kyrkje 8. mars
5.2.2025
Lærdal sokneråd inviterer til gudsteneste med påfølgjande program i Hauge kyrkje 8. mars kl. 15.00. Her vil me markere kvinnedagen, og me har fått med oss mange flotte kvinner til å snakke om livskvalitet. Det startar med forenkla gudsteneste kl. 15.00. Deretter blir det føredrag med Marianne Natvik. Me avsluttar med samtale om livskvalitet, meistring, hetetokter og humor. Det vert korte pausar mellom programma der det vert servert afternoon tea. Arrangementet er gratis og åpe for alle, også menn :-) Håper du vil kome! Dette blir ei flott dag i lag i Hauge kyrkje.
Velkomne til babysong i 2025!
30.1.2025
Babysong er for alle babyar og foresatte i Lærdal. Sjå Facebookgruppa "Babysong Lærdal 2025" for påmelding eller kontakt Karoline direkte (mobil: 97790771) om du lurar på noko. Fyrste samling denne våren vert torsdag 27. februar klokka 11.00, og held fram annankvar torsdag etter det. (13. mars, 27. mars, 10. april og 24. april). Vi ynskjer å få til ei samling på aktivitetsstova på LBO i løpet av våren. Babysong startar med ein halvtime samling (song, reglar og leik). Etter samlinga vert det lunsj som kyrkja spanderer. Karoline legg ut påmelding i Facebook-gruppa tysdagar, to dagar før kvar babysongsamling.
Velkomen kveldsgudstenester i Hauge kyrkje
17.1.2025
Vi byrjar med kveldsgudsteneste kl. 19.00 i Hauge kyrkje siste søndag i månaden. Organisten startar å spele eit kvarter før, der ein kan finne seg ein kopp kaffi og twist. Marte Kristine Nordheim Grønvold deltek med song og musikkinnslag i gudstenesta. Velkomen til ei forenkla stemningsfull gudsteneste som ei fin avslutning på månaden.
Velkomen til dueslepp gudsteneste i Hauge kyrkje
28.12.2024
Då barnet dykkar blei døypt, fekk det ei dåpsdue i gåve frå kyrkjelyden. Denne dua, med barnet sitt namn og dåpsdato, har no hengt på dåpstreet i Hauge kyrkje sidan. Søndag 5. januar kl. 11.00 vert de invitert til å ta med duene heim.
Tårnagensamling og gudsteneste i Borgund kyrkje 29. september
24.9.2024
Kyrkja i Lærdal inviterer denne søndagen 7- og 8-åringar til å vere med på tårnagentsamling i Borgund kyrkje.
Vaffelhjertekafé – ny møteplass i Kyrkjestova
11.9.2024
Vi har gleda av å invitere til oppstarten av Vaffelhjertekafé i Kyrkjestova onsdag 18.09, eit tilbod for alle som ynskjer eit triveleg og sosialt treffpunkt i kvardagen. Kaféen vil vere open kvar onsdag frå kl. 12.00 til 14.00.
Wenche vert innsett som sokneprest i Lærdal
29.8.2024
Søndag 1. september kl. 16.00 er det gudsteneste i Hauge kyrkje, der Wenche Lie Lysne vert innsett som sokneprest i Lærdal. Denne søndagen skal òg ein liten gut døypast. Det vert god kyrkjekaffi i kyrkjestova etter gudstenesta. Velkomen til alle til gudsteneste og kyrkjekaffi.
Krølletreff
7.5.2024
Me inviterer til krølletreff på Bjørkum gard tysdag 14. mai. På garden skal me få helse på lamma som no går på vårbeite, grille pølse på bålpanna og dele ut boka «Krølle på tur» til alle treåringane.
Konfirmantar 2024
23.4.2024
Det nærmar seg konfirmasjonstid og her finn de oversikt over kven som skal konfirmerast i dei ulike kyrkjene. Vi ynskjer konfirmantane og familien ei flott konfirmasjonsfering. Bilete er teke i oppstart av konfirmantåret som starta med vandring langs Vindhella.
Velkomen til aktivitetsleir på Nesholmen
22.4.2024
Det er ei stor glede å kunne invitere deg og andre 11-13 åringar frå Lærdal, til sommarleir på Nesholmen leirstad, som ligg ved Storefjorden i Hyen (omlag ein time frå Førde). Leiren vert arrangert i eit samarbeid mellom KFUK KFUM og Den Norske Kyrkja, og er ein del av kyrkja i Lærdal si satsing på born og unge.
Solidaritetskonsert for Gaza
22.4.2024
1. mai kl. 19 blir det ein stor solidaritetskonsert i Hauge kyrkje. På konserten bidreg kor og korps, Longhorn, ungdomsband og spelemannslag, og ikkje minst ei rad framståande enkeltartistar. Bak arrangementet står alle politiske partia, kyrkja og fleire andre organisasjonar i Lærdal.

1
2
3
4
5
6

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"