På skjærtorsdag samlast vi til påskemåltid i kyrkja. Vi set av god tid til eit måltid med meining, der vi gjennom sansane våre – ved å høyre bibelforteljingar, sjå symbol, kjenne duftar av ulike rettar og smake på maten – får vere til stades i frelseshistoria.
Jødane har feira dette måltidet sidan utgangen av Egypt. For oss som kjenner Jesus som frelsaren og den store utfriaren frå syndas og dødens makt, får påskemåltidet ein ekstra dimensjon.
Vi byrjar ved eit vakkert dekt bord kl. 17. Saman blir vi med på reisa til Israelsfolket ut av slavekåret i Egypt, før vi går vidare inn i påskeforteljingane – frå palmesøndag til påskedag. Samlinga blir avslutta med nattverdfeiring.
Sidan det blir servert middag, treng vi påmelding (sjå under). Dei 30 første som melder seg får plass. Pris: kr 150 per deltakar.