På trua laus er ein møteserie der biskop Halvor Nordhaug ynskjer å sleppe trua laus frå kyrkja sitt indre rom og utsette den for spørsmål, kritikk og forsvar.
Stanghelle fortalde om varme og humor i eit miljø mange har karakterisert som tungt og mørkt. - Eg prøver å dyrke så få absolutt som mogeleg, sa Harald Stanghelle. Han karakteriserte seg som ein agnostikar, men sa at han ser kvalitetar ved miljøet i oppveksten som han ikkje såg då han var yngre.
Etter føredraget, hadde Stanghelle og biskopen ein engasjert samtale om blant anna Guds allmakt, bøn, religionen sin plass i samfunnet og det nåderike og nådelause samfunnet.