Kulturarven til kyrkja er aktuell og angår alle. Den skaper tilhøyrsle og ny forståing for kven me er i dag, våre stader og røter. Derfor blir det løyvd milliardar til å setja arven i stand for framtida. Og derfor er formidlinga sentral i Kirkebevaringsfondet sitt arbeid.
Konferansen «Arven som åpner rom» blir arrangert i Stavanger fordi byen og regionen har mange gode døme på formidling og formidlingsformer. Katedralen er nullpunktet i Stavangers historie. Nyare forsking fører til at historia blir skriven om, og nye generasjonar krev ny type formidling for å bli engasjerte.
Formidling handlar også om å utnytta kulturarven i så vel preiker som ved mottaking av cruiseturistar og skuleklassar.
På konferansen får ein også vera med til Hesby mellomalderkyrkje på Finnøy, der me får ein smakebit på bruk av drama i formidlinga. Eit døme på dette ser du i videoen nedanfor.
«Arven som åpner rom» spenner vidt, og vil inspirera til prosjekt direkte knytt til søknader til Kirkebevaringsfondet, men også til kreativt formidlingsarbeid i kyrkjelydar og lokalhistoriske samanhengar elles.
Påmelding og meir informasjon finn du i lenke nedst på sida. Påmelding innan 31. mars.