Vel møtt til Minnegudsteneste
Dei som har mista nokon sidan sist minnegudsteneste er spesielt inviterte. Namna på dei som har gått bort sidan sist blir lest opp, og det blir diktlesing og lystenning i samband med dette.
Også alle andre som ber på sorg og sakn er like velkomne til å ta del. Du kan bli med i gudstenesta og minnast dei du tenkjer på.
Det blir fine songar og vakker musikk med orgel og obo, både under lystenninga og elles i gudstenesta.
Bjørn Tore Sæle er liturg saman med Ruben Sæle. Ruben er dagens predikant. Magnus Blom er organist, og har med Lise Herland på obo og Solveig Westermoen som forsongar. Mounir Sarhan er kyrkjetenar og Regine Sagstad Berg er leiar for gudstenestelaget.
Det blir ikkje teke opp takkoffer.
Gudstenesta er open for alle, vel møtt!