Det har vore spesielle dagar i landet vårt, og kyrkja har vore samlingsplass for mange som har søkt stillheit, refleksjon, bøn og lystenning gjennom helga, for å ta del i sorga over Kong Haralds bortgang fredag 28. august.
Tronskifte inneber fleire store markeringar. Tysdag er det høgtid i Stortinget når den nye kongen avlegg sin eid til nasjonalforsamlinga klokka 13.00.
I Grunnloven § 9 står det at når kongen, som myndig, tiltrer regjeringa, avlegg han følgjande eid i Stortinget: «Jeg lover og sverger å ville regjere kongeriket Norge i overensstemmelse med dets konstitusjon og lover, så sant hjelpe meg Gud den allmektige og allvitende!».
Denne tysdagen inviterer vi heile bygda til å starte dagen med ein kort samling i Os kyrkje, der vi tenner lys og ber for kongen, landet og fellesskapet vårt, både lokalt og nasjonalt.
Programmet varer i om lag 25 minutt og vi håpar mange vil ta del i denne vesle markeringa på ein viktig og spesiell dag. Hjarteleg velkomen!