Fordelinga av leiarverva i bispedømeådet vart avtalt då rådet konstituerte seg for første gong for to år sidan.
Dag Sele representerer nominasjonskomiteen si liste, medan Oddny Miljeteig står på Open folkekyrkje si liste.
Den nye bispedømerådsleiaren bur på Stord og arbeider som avdelingsoverlege ved Stord DPS. Han er leiar Stord kyrkjelege fellesråd, frivillig klokkar og leiar i Kyrkjestova Fredheim. Han har også erfaring frå mange år i kommunepolitikken.
Samråd og Bjørgvin-samtalen
Bjørgvin bispedømeråd skal i samband med neste møte, 3. mars, ha digitalt samrådsmøte med medlemer i sokneråd- og fellesråd. Her vi kyrkjerådet presentera saker som skal opp i kyrkjemøtet seinare i mars, før deltakarane kan gje sine kommentarar om sakene til bispedømerådet.
Andre bispedømerådsmøte er datofesta til 5. mai (inkl. møte med prostane), 25. september (i Førde) og 28. november.
Laurdag den 26. september inviterere bispedømerådet til nettverks- og insipirasjonssamlinga "Bjørgvin-samtalen" for sokneråda i Sogn og Fjordane.
Søndag den 27. september er turen komen til sokna i Hordaland, med samling i Bergen.
Årsplan og budsjett
Bispedømerådet vedtok budsjett for 2026 og drøfta innspel til Årsplan for 2026 som vert teken opp på nytt i neste møte.