– Føremålet er å møte og vise folk at kyrkja er allsidig og rommer mange måtar å vere kristen på. Vi tilbyr samtalekrok, forbøn, velsigning og dreg inn gode føredragshaldarar. I år er hovudattraksjonen Thor Haavik, som laurdag skal halde sitt føredrag om oppstoda. Ellers er det ulike føredrag/kurs i kristne meditasjonsformer. Frivillige er folk med veldig stor variasjon i bakgrunn, men alle har til felles eit varmt hjarte for Jesus og vil møte andre med denne varmen, seier Ida Marie Brandmo frå Kirkelig dialogsenter som er ansvarleg for standen.
Ho fortel at det i alle år har vore godt oppmøte av frivillige og besøkande på standen. – Det har vore ganske travelt, faktisk. Folk stoppar og pratar, er nysgjerrige og våre frivillige har opplevd at folk kjem innom året etter og seier «den vesle teksten eg fekk å undre meg over har eg tenkt mykje på, har begynt å be over den, og lurer på om eg kan få ein ny?» Her trur eg vi møter mange som elles kanskje ikkje føler kyrkja er like open for dei. Det er leit, då Jesus sjølv har sagt at alle er velkomne, seier Brandmo.