Drøymer du om ein tur til Cuba? No har du sjansen! Som ein del av venskapssamarbeidet med den lutherske kyrkja Iglesia Evangélica Unida på Cuba, organiserer bispedømet i samarbeid med Plussreiser ei gruppereise 16. - 30. januar 2024 for inntil 20 personar. Turen er open for lekfolk, frivillige og for tilsette i kyrkja.
Vi skal vitje kyrkjelydar i Santiago de Cuba, Guantánamo og Havanna, bli kjent med nokre av folka der og få del i korleis livet er på Cuba. Vi får glimt av kva hjelpesendinga vår med klede, leikar, syklar, mat og hygieneartiklar har betydd for mange. Vi møter òg kubanarane som vitja oss i samband med bispeinnsetjinga i Bergen domkyrkje i april.
På turen får vi òg med dagar på flotte strender i Guardalavaca, besøk til historiske stader i Santiago de Cuba, Trinidad og Havanna og ulike innslag med karibiske rytmar. I Havanna skal vi òg vitje den norske ambassaden og møte det kubanske bibelselskapet og høyre om den store bibelutdelinga på Cuba.
Kjell Ove Hatlem, som har vore meir enn 30 gonger på Cuba, vil vere reiseleiar. Vi trur ein slik tur vil vere ei oppleving for livet og kan skape gjensidige og varige venskapsband.
Informasjon, fullt program og påmelding finn du ved å trykke her. Der finn de òg ei brosjyre som de kan laste ned og skrive ut. Vi trur turen fort kan bli fullteikna og anbefaler difor kjapp påmelding for dei som vil sikre seg plass. Reis gjerne fleire saman frå same kyrkjelyd.
Pris frå kr. 31.500,-
Tillegg for enkeltrom: kr 5.500,-
Påmeldingsfrist: torsdag 31. august kl. 12.00.
Om du har spørsmål, send nokre linjer til Kjell Ove. Kontaktinformasjon finn du nedanfor.