Stiftskalenderen innheld kontaktinformasjon og oversyn over viktige hendingar for halvåret. Her på nettsidene finn du òg ein kalender som blir oppdatert etter kvart som nye hendingar kjem til. Kontaktinformasjon finn du under menypunktet kontakt.
Biskopens mottaking
Den 15. januar inviterer biskop Ragnhild Jepsen til nyttårsmottaking i Bergen domkirke kl. 16.30. Der får du bl.a. høyra Håvard Nyhus, politisk reporter i NRK, koma med sine utblikk og innblikk på kyrkja i Bjørgvin, før biskopen held sitt nyttårsføredrag. Programmet vil bli overført direkte på nettet, og det vil også vera tilgjengeleg i opptak. Les meir og meld deg på her
Stiftsdagar for alle 9. - 10. mars
Vårens største arrangement er stiftsdagar for alle med tema "Byggje tillit". Kyrkjeverjer og prostar har meldt frå kor mange deltakarar me kan forventa, og kring den 20. januar vil det vera mogeleg for kvar deltakar å melda seg på seminar og liknande. Det vil gå ut e-post om dette når det store seminarprogrammet og påmeldinga er klar. Les om Stiftsdagane her
Ved ein feil falt Stiftsdagane ut av den trykte Stiftskalenderen.
Møte på Teams
I vår er det planlagt fleire webinar/møte på Teams. Dette gjer at fleire kan delta utan å bruke tid, pengar og klimautslepp på reiser.
Kyrkja vår - slik gjer du det
Kvar dag i veka 19. - 23. januar kl. 14.00 - 15.00 kan du stilla spørsmål og få svar om verktøyet "Kyrkja vår". Kyrkjefagsjef Tore Skjæveland sit klar for å svara på spørsmål og samtala med dei som vil. Lenke til desse møta finn du her og i kalenderen.
Kommunikasjon
Den 29. januar blir det Teamsmøte om kommunikasjon. Gje gjerne innspel til tema. Me vil bl.a snakka litt om korleis me kan kommunisera fastetid og påske og får besøk av rådgjevar Geir Endre Kristoffersen i Kirkens nødhjelp.
Fagdagar
Stiftsdagane er fagdagar for fleire ulike faggrupper i kyrkja. I tillegg vil dei som arbeider med undervisning få tilbod om fagdagar i kyrkjepedagogikk på Nordhordland folkehøgskule på Frekhaug 1. - 3. juni.
SOL-dagar
Biskopen og stiftsdirektøren inviterer prostar og kyrkjeverjer til SOL-dagar, Saman om å leie-dagar, i prostia. Datoar for desse dagane blir sende til prostane og kyrkjeverjene direkte. Dei fleste prostia i Hordaland har SOL-dagar 27. - 30. april, medan Sogn og Fjordane og Nordhordland har sine dagar 1. - 4. september. På SOL-dagane vil ein sjå på ulike sider ved dei lokale tilhøva, ha faglege samtalar om utvilking, om korleis ein møter utfordringar og om kvar ein kan finne felles handlingsrom og støtte.