Med dette vert du invitert til å vere med på konfirmasjonstida i Askvoll for året 2026-2027 med konfirmasjonsgudsteneste på vårparten neste år.
Vi håpar du har lyst å vere med! 😊
Som konfirmant vert du betre kjend med oss som arbeider i kyrkja og kyrkjelyden. Men vi ønskjer aller mest at du skal bli betre kjend med Jesus Kristus. Vi vil fokusere på dei ”STORE” spørsmåla; om Gud, om trua og mennesket, livet og døden. Dessutan vil vi diskutere mange etiske tema og dei vala vi gjer i livet. I løpet av konfirmasjonstida skal vi gjere og vere saman om mange ting. Her er mange datoar å merke seg, set dei av i kalendaren allereie no!
Dei vanlege samlingane med undervisning er i Askvoll kyrkje.
|
Til hausten samlast vi desse dagane: |
Til våren samlast vi desse dagane: |
|
Onsdag 26. august kl. 17.30-19.00. |
Onsdag 13. januar kl. 17.30-19.00. |
|
Onsdag 23. september kl. 17.30-19.00. |
Onsdag 17. februar kl. 17.30-19.00 |
|
Onsdag 14. oktober kl. 17.30-19.00. |
Onsdag 03. mars kl. 17.30-19.00 |
|
Onsdag 18. november kl. 17.30-19.00. |
Onsdag 10. mars kl. 17.30-19.00 (øving til fasteaksjonsgudsteneste) |
|
|
Onsdag 14. april kl. 17.30-19.00 |
Leir/ Hausttreff:
16-18. oktober, fredag til søndag, skal konfirmantane reise på helgetur saman til Hausttreff på leirstaden Nesholmen i Gloppen.
Fasteaksjonsgudstenesta, som alle konfirmantane i Askvoll sokn medverkar på, vert søndag 14. mars kl 17.45 i Askvoll kyrkje. Den er med på å starte fasteaksjonen (14.-16. mars), som er ein dør-til-dør-aksjon der konfirmantane samlar inn pengar til Kirkens nødhjelp. Konfirmantane kan velje om dei vil gå med bøsse måndag 15., eller tysdag 16. mars.
I løpet av året må du, som konfirmant, delta på til saman ti gudstenester. Dei obligatoriske gudstenestene som presentasjonsgudsteneste, lysmesse, fasteaksjonsgudsteneste og konfirmasjonsgudsteneste, tel med som fire av desse ti gudstenestene. I nokre av desse gudstenestene er konfirmantane med som med-liturgar saman med presten. Dei song- og musikkglade konfirmantane kan òg bidra musikalsk på gudstenestene. Kanskje du har lyst til å synge eller spele på di eiga konfirmasjonsgudsteneste?
For å bli konfirmert, må ein vere døypt. Konfirmantar som ikkje er døypt, kan bli døypt i løpet av konfirmasjonstida. Viss dette er aktuelt, berre ta kontakt med oss.
Eigenbetaling for konfirmantåret er kr 1500,-. Dette er med og dekkjer utgifter til aktivitetar og konfirmanthelg.
Skal opplegget fungere, krevst det at kvar konfirmant er villig til å gå inn for å få mest mogleg ut av konfirmasjonstida, og å fylgje opplegget så langt som råd. Alle samkomer er obligatoriske. Om det skulle henda at ein ikkje kan møta, skal det gjerast avtale mellom foreldre/føresette og konfirmantleiarane.
Til hausten er det desse søndagane:
gudsteneste med konfirmantpresentasjon Lysmesse
|
23. august kl.11.00 i Kvammen kapell |
22. november kl.11.00 Vilnes kyrkje |
|
23. august kl 14.00 i Holmedal kyrkje |
22. november kl.14.00 Askvoll kyrkje |
|
30. august kl.11.00 i Vilnes kyrkje |
29. november kl. 11.00 Kvammen kapell |
|
30. august kl.14.00 i Askvoll kyrkje |
06. desember kl.10.15 Bulandet kapell |
|
06. september kl.10.15 i Bulandet kapell |
06. desember kl.15.00 Holmedal kyrkje |
KONFIRMANTPRESENTASJON OG FORELDREMØTE
Dei konfirmantane som høyrer til desse gudstenestestadene, møter på desse tidspunkta.
Konfirmantar frå Stongfjorden vel sjølv om dei møter i Kvammen, Holmedal eller Askvoll,
og dei frå Værlandet møter i Bulandet.
Etter kvar gudsteneste med konfirmantpresentasjon, vert det halde eit foreldremøte for dei tilhøyrande i den aktuelle kyrkja.
Konfirmasjonsgudstenestene våren 2027 er sett opp slik:
Kvammen kyrkje laurdag 24. april kl 10.00
Vilnes kyrkje laurdag 24. april kl 13.30
Holmedal kyrkje søndag 25. april kl 11.00
Bulandet kapell laurdag 01. mai kl 10.00* Viss det vert konfirmasjon
Værlandet kapell laurdag 01. mai kl 12.00*Kan endre til 11.00 om berre konfirmasjon i Værlandet
Askvoll kyrkje søndag 02. mai kl 11.00
Vi ser fram til å bli betre kjent med deg! Velkommen som konfirmant 2026-2027.
Kontakt oss gjerne om du har spørsmål.
Beste helsing
Kyrkja i Askvoll