Frå 1. oktober er Arne Mulen ny prost i Nordhordland prosti. Han tek over etter Helge Taranrød, som har vore prost sidan 2018 og no har gått av med pensjon.
Arne Mulen kjem frå ei stilling som spesialprest i Åsane sokn og har lang og brei erfaring frå kyrkja. Han har tidlegare vore både kapellan og sokneprest i Ytre Arna og Åsane. I tillegg har han vore misjonær for NMS i Frankrike i åtte år.
Som prost får Arne Mulen ansvar for å leie prestetenesta i Nordhordland prosti og vere eit viktig bindeledd mellom kyrkjelydane og Bjørgvin bispedøme. Nordhordland prosti omfattar kyrkjelydar i Alver, Austrheim, Fedje, Gulen, Masfjorden, Modalen og Solund.
Vi ser fram til å bli betre kjende med Arne Mulen og til eit godt samarbeid i tida som kjem. Vi ønskjer han lukke til med dei nye oppgåvene og tenesta i Nordhordland.
Hjarteleg velkomen til Nordhordland prosti!