Professor Njål Skrunes er ein av dei som har forska på og prøvd å forstå denne boka. Den mangeårige undervisaren ved NLA Høgskolen gav i fjor ut ein bibelkommentar på nesten 700 sider med tittelen Trøst for Guds menighet – Johannes´ åpenbaring.
Litt meir kortfatta blir framstillinga på Frekhaug 30. september, 2. oktober og 3. oktober. Då blir det eit minikurs ved Skrunes om Johannes´ openberring på Kyrkjetorget på Frekhaug senter. Minikurset er ein del av undervisningsopplegget «Kva seier Bibelen?», som tek opp ulike tema, og som er eit samarbeid mellom Frekhaug indremisjon, Norkirken Nordhordland og Meland kyrkjelyd. Samlingane er gratis og opne for alle interesserte. Det er ein god idé, men ikkje eit krav, å ta med seg ein bibel.