Gjennom den internetbaserte web-portalen Ecclesia, kan du søke etter grav på Fitjar kyrkjagard. Du trykker på lenkja "søk etter grav" lenger nede på denne sida, og legg inn så mykje informasjon som mogeleg.
Bilete over viser ein oversikt over kyrkjegarden. Kvar grav har eit gravnummer. Det består av ei rekke tal og bokstavar. Eksempel: 01.A.02.03
01: Fitjar kyrkje har ein kyrkjegard. Alle gravene vil ha 01 her.
A: Felt
02: Radnummeret
03: Nummer på grava
Når du skal finne fram til grav på kyrkjegarden, tel me på følgjande måte:
Felt: Felt A og B ligg nærmast Fitjarsjøen
Rad: Nummer 1 er nærmast Fitjarsjøen
Nummer: Når du ser mot Fitjarsjøen, frå høyre mot venstre
I overgangen frå gammalt handskrive kartoteksystem til nytt datasystem kan det ha oppstått feil. Dersom du meiner det er feil, ber me om orsaking og forståing for dette, og me set pris på å få melding om det snarast råd.