4-årsboka er eit av dei store høgdepunkta i kyrkjelyden i løpet av året. På to opplevingssamlingar og 2 gudstenester blir kyrkjene fyllt av forventningsfulle 4-åringar som får utforske kyrkjerommet, høyre om den gode venen, ete i lag, og ikkje minst få 4-årsboka i gåve frå kyrkjelyden.
I Langevåg kyrkje er det opplevingssamling tirsdag 21.oktober og utdelingsgudsteneste søndag 26.oktober, og i Indre Sula kyrkje er det opplevingssamling torsdag 30.oktober og utdelingsgudsteneste søndag 2.november. (det er sjølvsagt mulig å kome på samling i ei kyrkje og gudsteneste i den andre, viss det passar best).
Alle som fyller 4 år i 2025 og som er medlemmar i Den norske kyrkje har fått invitasjon i posten. Viss de ikkje har fått invitasjon er de likevel hjarteleg velkomen både til samling og gudsteneste. Ein kopi av invitasjonen ligg under.
Påmeldingsskjema for opplevingssamling i Langvåg kyrkje finn de her, og for opplevingssamling i Indre Sula kyrkje her.