Preses i Den norske kyrkja, Olav Fykse Tveit, og kyrkjerådsleiar Harald Hegstad reagerer sterkt på drapet av den amerikanske aktivisten Charlie Kirk.
– Drapet på Charlie Kirk må fordømdmast av alle. Det er alltid farleg når politiske motsetnader fører til vald. Diverre er det ikkje heilt ukjent i et amerikanske samfunnet, skriv Fykse Tveit på si Facebook-side.
Han peikar på at det sterkt polariserte amerikanske samfunnet står i fare for å hamne i ein valdsspiral, og viser til noverande president sin haldning til valdsbruk i Kongressen, og legg til:
– Desto viktigare å fordømme all bruk av politisk motivert vald, og håpe at demokratiet i USA kan klare å stå saman mot valdsbruk.
Harald Hegstad, leiar i Kyrkjerådet, deler fordømminga.
– Det er all grunn til å ta avstand frå og fordømme drapet på den amerikanske aktivisten Charlie Kirk. I eit demokratisk samfunn skal ein trygt kunne hevde sine synspunkt utan å bli møtt med vald og drap, meiner Hegstad.
Han meiner det ikkje finst formildande omstende for ei slik handling.
– Her er det viktig å stå opp for ytringsfridomen, også ytringsfridomen til dei ein er sterkt usamd med. Det er ei utfordring til oss alle, på tvers av religiøse og politiske synspunkt.