Den andre veka i juni hadde vi til informasjonsmøter om konfirmantopplegget vårt i kyrkjene. Her fekk både neste års konfirmantar og føresette vite litt meir om det å vere konfirmant i kyrkjene i Ørsta. All informasjon om konfirmantåret ligg på desse sidene. Fekk du ikkje til å vere med på møtet? Les informasjonen vi har lagt ut her, og meld deg på!
Påmelding til konfirmantåret 2026/27
Påmeldinga til konfirmantåret 2026/27 er no open. Du finn du lenke til påmeldingsskjema her. Logg inn og fyll ut påmeldingsskjemaet. Dette må ein gjere saman med foreldre/føresette. Datoar for sjølve konfirmasjonen finn du i lenka nedst på sida.
Korleis ser konfirmantopplegget vårt ut?
I konfirmasjonstida er du med på:
- Informasjonsmøte i juni
- Avspark
- Presentasjonsgudsteneste
- Undervisningssamlingar knytt til
ulike tema
- Leir på Sunnmøre folkehøgskule i
Ulsteinvik
- Fasteaksjon
- Deltaking i gudstenester
- Konfirmasjonsdagen
Alle kan bli konfirmant i kyrkja! Velkommen uansett om du trur, ikkje trur eller er litt usikker. Det einaste kravet er at du er døypt innan konfirmasjonsdagen. Om du ikkje er døypt frå før, er det ikkje noko problem. Mange blir døypt i løpet av tida som konfirmant.
Kyrkja er eit mangfaldig fellesskap, og vi ønskjer at alle skal få ei god konfirmasjonstid. Om det er behov for individuell tilrettelegging, er det berre å ta kontakt.