Endeleg har nokon blitt tilsett i den ledige prestestillinga i Øystese og Ålvik, og det er med stor glede me tek imot Norunn Rød Markhus! Norunn er under utdanning, har tittelen «Prest under utdanning», og skal arbeida 60% og studera i 40%, - men ho er komen for å bli, - noko me gler oss stort over!
47-årige Norunn er busett i Fusa, og kjem til å pendla til arbeid derifrå. Ho har arbeidd i kyrkja både i Fusa og sist no i Ullensvang. Ho tek til i stillinga 21. juli.