Gjennom året støtter Os kyrkjelyd fleire misjonsprosjekt rundt i verda, og bidreg slik til å nå menneske med både evangeliet og naudsynt hjelp gjennom dyktige medarbeidarar i mellom anna Kenya, Estland og England. I Nairobi har "Garden of Eden" arbeidd i slummen i mange år, og søndag kjem styrarane Thomas og Beatrice Olomo til Nore Neset kyrkje for å fortelje frå arbeidet, inspirere oss til vidare innsats, støtte og bøn for prosjektet. Det blir flott musikk frå Elias Salbu, og god servering ved sida av eit spennande program. Kom og bli minna på kvifor misjon er ein av kjerneoppgåvene til kyrkja, og finn fornya fokus!
Nore Neset kyrkje søndag 13. september kl. 19.00. Gratis inngang.