1. søndag i advent - 29. november - er det ikkje lysmesser eller andre gudstenester i Vaksdal grunna korona-restriksjonane.
Det blir likevel open kyrkje på Dale kl. 18-20 den dagen.
Kl. 18 vil lysteppet på kyrkjetårnet bli tent. Etterpå blir det ei kort gudsteneste med tenninga av det første lyset i adventskransen.
Det blir og ei kort stund med musikk kvar halvtime.
Den tida kyrkja er open kan dei som kjem kome inn og tenne lys, få ein kopp kaffi eller te, prate med presten eller kvarandre, eller berre sitje ned i stilla.
I tråd med smittevernreglane vil dei som kjem bli registrert med namn og telefonnummer samt få tildelt ein sitjeplass.
Det er avgrensa tal på kor mange som kan vere i kyrkja til ei kvar tid.