Er du student eller har du nett send ein student heimefrå? Både i Sogndal, på Stord og i Bergen kan ein få gode nettverk i studenttida.
Studentprestar
I alle dei tre største studiestadane våre, Bergen, Sogndal og Stord, er det eigne studentprestar som er der for alle studentar. Ein treng ikkje vere religiøs for å snakke med studentprestane. Dei snakkar gjerne med alle uansett tru og livssyn, og dei har teieplikt. Ein prest kan vere ein samtalepartner viss ein treng å snakka med nokon om einsemd, studier, relasjonar, Gud, sorg, viktige val eller noko anna ein har på hjartet *. Lenger nede på sida finn du kontaktinfo til studentprestane desse tre stadene.
Arrangement for å bli kjend med kyrkjelydar
Norges Kristelige Student- og Skoleungdomslag (også kjend som Laget) står bak samlingar som dei kallar "Velkommen til ..." i ulike norske byar, deriblant Bergen. Dette er meint å vere ein nøytral arena der studentar får høve til å kome i kontakt med ulike kyrkjer og kristne organisasjonar og bli kjend med andre kristne frå sin studiestad. Både nye og gamle studentar kan møtast her. I Bergen er arrangementet "Velkommen til Bergen" i Salem konferansesenter onsdag 23. august 2023 (OBS! Det har vore feil på nettsidene deira, der datoen frå i fjor har stått (onsdag 24. august)).
Ung kyrkje midt i byen
I Bergen har Den norske kyrkja ei eiga kyrkje for ungdom og unge vaksne, St. Jakob kirke. Her er det mange høve til å treffe studentar og andre i løpet av veka, blant anna på studentlunsj kvar fredag og gudsteneste søndagar kl. 19.00 i skuleåret. Les meir ved å følge lenka lenger nede på sida.
Lukke til med eit nytt semester!
*) deler av teksten er henta frå saman.no si side om studentpresten i Sogndal