Kunngjering - endring av Forskrift om gravplassvedtekter.

Bjørnafjorden kyrkjelege fellesråd er lokal gravplassmyndigheit i Bjørnafjorden kommune, og legg med dette ut reviderte vedtekter for gravplassane på høyring i perioden 4.august - 15.september 2025. 

 

Høyringsnotat – Nye gravplassvedtekter for Bjørnafjorden kommune.

Gravplassmyndigheten i Bjørnafjorden har utarbeida framlegg til nye vedtekter som no leggast ut på høyring, jf. Forvaltingslova §37.

Grunnlag for høyring

Gravplassvedtekter fastsettast lokalt, og gjeld for alle gravplassane i Bjørnafjorden kommune.

Vedtektene gjev føresegner om feste av grav, plantefelt, fredingstid og stenging av gravplassar/felt. Dei eksisterande lokale gravplassvedtektene vert i hovudsak vidareført uendra. Nokre mindre endringar, presiseringar og oppdatert oppsett gjer at forslaget til nye vedtekter leggast ut på høyring.

Viktige endringar:

§ 2: Det er gjort nokre presiseringar, og tilført nokre punkt.

§ 4: To avsnitt som gjelder tilvising av urne og kistegrav i Fusa er fjerna, då dette er dekka i nytt avsnitt. Vedtektene viser i dag til at “personar som har budd i ein annan kommune mot slutten av livet, reknast som innbyggjarar heimehøyrande i kommunen”. No er dette endra til “inntil 12 månadar før dødsfallet”. Det er lagt inn moglegheit for å utvise skjøn og gje dispensasjon i enkelte tilfelle.

§ 5: Andre avsnitt er fjerna. 

§ 6: Her er det lagt til presiseringar for å tydeleggjere.
-          Reservert grav er ikkje ei frigrav
-          Festar varslast med nytt festetilbod i form av faktura.

§ 8: Særlege føresegner er fjerna.

Ny § 8: Særlege føresegner om gravminne. Dette gjeld føresegner knytt til gravtilbodet på Kuventræ gravplass, som har kome til etter førre revisjon av 2020.

§ 9, siste avsnitt: Her er det lagt inn ei presisering om lys ved gravminne. Det er no lagt inn at “frittståande plastlys med eller utan metallhette må plasserast i lykter som gjer at fuglar eller dyr ikkje kan få tak i dei”.  

§ 12 er en ny paragraf som skal gi oversikt over alle gravplassar, felt og enkeltgraver som tidlegare har vore kistegraver, men som no berre er mogleg å bruke til nedsetting av urne. Dette skal etter Gravplasslova presiserast i lokale vedtekter.

Forslag til nye Gravplassvedtekter finn du her (lenke)

Vedlegg 1 (sjå § 12) finn du her (lenke)

Dei eksisterande vedtektene finn du her (lenke)

Lenker til dokumenta er òg å finne nedst i artikkelen.

Gjennomføring av høyringsprosessen:
Lokal gravplassmyndighet har ansvar for gjennomføring av høyringa og vil samanstille høyringssvara. Etter at dei lokale gravplassvedtektene er vedteke av Bjørnafjorden kyrkjelege fellesråd, skal desse godkjennast av Statsforvaltaren i Vestfold og Telemark før dei trer i kraft.

Send inn ditt høyringssvar til Gravplassforvaltninga
Høyringssvar merkast med “høyringssvar lokale gravplassvedtekter” og sendast til e-postadressa post.bjornafjorden@kyrkja.no eller per post til Bjørnafjorden kyrkjelege fellesråd, Postboks 209, 5202 Os.

Eventuelle spørsmål kan sendast til same e-postadresse.