Dåpspermen, og CDen som fylgjer med, er lagde lokalt i Fusa. Permen inneheld informasjon om dåpen, bøner og takkebøner som de kan be saman med barnet, songnotar de kan syngja til eller saman med barnet, bibelforteljingar som kan bli leste opp for barnet, samt formingsoppgåver de kan gjera saman. På CDen finn de innlesingar av bibelforteljingane frå permen, samt mange av songane som det står note til.
Me er svært stolte over permen og CD-en her i Fusa, sidan prosjektet er vårt eige - det er stort sett berre er lokale folk som har teikna og tatt bilete, skrive tekstar, laga sats til songar, og spelt inn lydspor og songar til CDen (med hjelp av Norheimsund Trykkeri og cdproduksjon.no til trykk, og Rune Hodne Hermundsplass til innspeling av musikken). Permen og CDen er til god hjelp for foreldre når dei vil læra borna sine opp i den kristne trua, og legg eit grunnlag for den vidare trusopplæringa.
Både permen og CD-en kan kjøpast som gåver til born/vordande foreldre som bur utanfor soknet, og CD-en er òg tilgjengeleg på Spotify under Fusa sokn. Inntektene går til Children Burn and Wound Care Foundation, som er eitt av misjonsprosjekta våre.