Nyheiter

Filmkveld i kyrkja 27/9 kl 18.30 - "Hva vil folk si?"

7.9.2018

Hareid kyrkjeakademi inviterere til temakveld i kyrkja med ein prisbelønt film som utgangspunkt. Filmen "Hva vil folk si?" av Iram Haq er nominert til norges Oskar bidrag, fekk nyleg 4 Amandaprisar og har fått ei rekke prisar tidlegare.

«Salmeboka minutt-for-minutt» i Hareid kyrkje 19/9 kl 19.00

7.9.2018

Onsdag 19. september kl. 19.00 blir haustens første salmekveld arrangert i Hareid. Vi får besøk av Helge Gudmundsen, ein av dei som jobba mykje med sendinga på NRK. Han har i mange år også leia radio-programmet "Salmer til alle tider". Han vil fortelle om korleis NRK jobba før og under minutt-for-minutt-sendinga. Hareid Kammerkor vil ta del med song. Koret var eit av mange kora som var med på direktesendinga frå Trondheim. Det blir mykje allsong, leia av ei forsongargruppe. I tillegg til Ida Teige på orgel og piano, har vi fått med oss Stig Håheim på piano og Karsten Robert Kirkebø på rytmer. Det vil bli teke opp ei kollekt til det kyrkjemusikalske arbeidet. Etterpå blir det servering bak i kyrkja. Serveringa er det K-gruppa som står for! Velmøtt til ein kjekk kveld!!

Bøn før gudstenestane i Hareid kyrkje

31.8.2018

Kvar søndag når det gudsteneste i Hareid kyrkje, kan du vere med på ei fin bønestund i fellesskap med andre kl 10.00, på kyrkjekontoret. Vi er ferdig i god tid før gudstenesta startar kl 11.00, slik at du rekk begge deler om du vil. Denne stunda vert leia av fire personar på omgang, desse er Ole-Markus Pilskog, Irene Follestad Rise, Alfred og Catherine Duweh. Her kan du ta del på felles bøn, be høgt eller stilt inni deg - det velger du sjølv.

Det er mykje godt som kan skje når fleire gode krefter går saman!

23.8.2018

Etter gudstenesta på Alskleiva i fjor kom nokre i snakk om at det hadde vore kjekt med fleire benkar å site på. Det er heilt greitt å site i lyngen, men på dagar med regn og væte er ikkje det så kjekt. Det brukar som regel å vere mykje folk samla til denne gudstenesta, både 7 og 12 åringane i trusopplæringa har oppgåver i og kring denne gudstenesta. Karane i Lions tok utfordringa og har laga mange nye siteplassar på gudstenesteplassen. Dei har også laga nytt kors og talarstol. Tusen takk til dei!

Nytilsett vaksenleiar i Hareid Ten Sing

16.8.2018

Hareid KFUK-KFUM har tilsett Guro Topphol som ny vaksenleiar i Hareid Ten Sing. Guro er frå Hareid, 22 år gamal, og student ved Høgskulen i Volda. Ho har tidlegare både sunge, dirigert og vore vaksenleiar i Hareid Ten Sing.

Etter sedvane

4.7.2018

På veggen heime hos foreldra mine heng eit nydeleg bilde av bestemor og bestefar, Paula og Gustav Flø. Da det vart teke, var dei begge over 90 år gamle og på bildet er dei på veg til kyrkja. Da hadde bestefar vore omtrent døv i nærpå 20 år, men når han vart spurt kvifor han framleis gjekk i kyrkja, når han likevel ikkje høyrde noko av preika, så sa min gode og kloke bestefar: «Eg får no gjeve mi gåve på alteret og eg får med meg velsigninga.»

På spor etter kristendommen i Hareid

22.6.2018

4. klasse ved Hareid skule hadde som ein av sine siste dagar før ferien, ein oppdagelsestur etter teikn på kristendommen i Hareid kommune.

Opningstider i sommar

29.6.2018

Vi går inn i sommarmånadene og tradisjon tru felles gudstenestar for Hareid og Ulstein, kvar sin søndag. Nedenfor finn du oversikta over gudstenestane i Hareid, samt opningstidene for kyrkjekontoret, kyrkja, vår Frivilligsentral, og "Brukt & Billig" butikken vår. Ønskjer alle ein velsigna og god sommar!

Lause gjenstander ved gravminna

22.6.2018

Ei lita oppfordring til deg som steller graver på kyrkjegarden. For å gjere arbeidet til kyrkjegardsarbeidarane litt lettare no på sommaren når det er mykje klipping av graset, er det fint om det ikkje vert lagra blomstervasar, lykter og liknande bak gravminna.

Vi går saman på vegen - trusopplæringa i Hareid

19.6.2018

Denne veka fekk Hareid sokn besøk av prost Ingeborg Matre og undervisningsrådgjevar Bente Wangensteen frå Møre Bispedøme, som var interessert i å høyre korleis trusopplæringsarbeidet gjerast i Hareid. Dei skulle vidare til dei andre sokna i prostiet etterpå. I kyrkja tenkjer vi at alle har ein plass i fellesskapet, kvar med si tru og sin tanke. Kvar med sine evner og anlegg. Vi ynskjer å gå saman med borna og ungdomen på trusvegen med alt det inneber av utfordringar, gleder og oppgåver.

Haustprogram 2018 - Hareid kyrkje

13.6.2018

Hausten 2018 har vi mange ting vi ynskjer å invitere deg til å vere med på: Konsertar, salmekveldar, temakveldar med Hareid kyrkjeakademi og andre arrangement. Dette kjem i tillegg til dei vanlege gudstenestene, og kyrkja er i bruk av unge og eldre nermast dagleg. Du er hjarteleg velkomen!

Hareid kyrkjeakademi – eit nytt tilbod på Hareid

13.6.2018

Hareid kyrkjeakademi er etablert som medlem i organisasjonen Norske kirkeakademi (NKA). Det er undervisningsutvalet i Hareid sokn som har teke initiativ til oppstart av kyrkjeakademi i Hareid.

Hareid kyrkje er aktivt med på Opplev Hareid

31.5.2018

Kulturbygda Hareid med sine 5200 innbyggjarar ønskjer å få fram og by på ulike opplevingar under festivaldagane «OPPLEV HAREID». Hareid kyrkje er ein naturleg medvandrar og vil bidra med ulike programpostar. Vi gleder oss!

Middelalder-reise i Hareid kyrkje - 14. juni kl 20.00

25.5.2018

Som ein programpost under "Opplev Hareid" opnar Hareid kyrkje dørene og formidlar spor etter middelalderen. Her vil du bli kjend med litt av vår lokale middelalderhistorie med kulturhistorisk informasjon, krydra med musikalse innslag frå tidsepoka. Med på hendinga blir arkeolog Arve Nytun, damekoret Sirene med dirigent Torgeir Hauge, ei gruppe frå Bigset Blandakor, sokneprest Leidulv Grimstad, kantor Ida Teige og kunstnar Arnfinn Mork-Stordal. Det blir også servert barkebrød.

Preiketeksta frå Melshornet 2. pinsedag v/Margit Lovise Holte.

22.5.2018

2. pinsedag var gudstenesta i Hareid lagt til Melshornet. Mykje vind og litt dårleg lyd gjorde at sokneprest (Ulstein), Margit Lovise Holte, lovde at preiketeksta skulle leggast på heimesida vår. Her kan du lese den, utan vind....

Gudsteneser Hareid i pinsa

18.5.2018

Pinsa er kyrkja sin fødselsdag og er festen som markerer at Den heilage ande blei sent til disiplane. Du er hjarteleg velkomen til gudstenester; pinsedag i kyrkja kl 1100 og 2. pinsedag på Melshornet kl. 1200.

Konfirmantar 2017/2018

30.4.2018

Dette året har vi den glede å konfirmere 56 ungdomar i Hareid kyrkje. Som vanleg skjer dette 2. helga i mai (12.-13. mai), og vi deler dei i 3 grupper, to laurdag og ei på søndag. Liturg er Leidulv Ø. Grimstad og medliturg er Barbro Landmark, organist er Ida Teige. Musikarar tek del. Offeret denne helga går til kyrkjeleg undervisning.

Arbeid på kyrkjegarden fram til konfirmasjonshelga 12.-13. mai

26.4.2018

Laurdag 28. april kl 10.00 og utover dagen blir det vår-dugnad på kyrkjegarden, kom å bli med! Same dagen startar også arbeidet med å fjerne dei gjenståande trestubbane etter trefellinga. Det er eit firma som gjer dette og vi ber om at alle vis tålmod med at det blir arbeidsaktivitetar på kyrkjegarden fram mot konfirmasjonshelga 12. og 13. mai.

KONSERT "Gud er glad i deg"

11.4.2018

Laurdag 28. april kl 17.00 på Hareid barneskule. Konsert med Hareid barnekantori. Framføring av barne-musicalen «Gud er glad i deg». Billettar: vaksne kr 50,- Born gratis. Gratis mat. Loddsalg med masse flotte gevinstar. Velkomne store og små til ei trivelig stund!

LEVE - lokalssamling Søre Sunnmøre - 23. april kl 19-21

23.3.2018

LEVE sitt lokallag på Søre Sunnmøre har hatt opne samlingar for menneske som er råka av sjølvmordsproblematikken. For vår-halvåret 2018 er det planlagt eí samling, MÅNDAG 23.APRIL på Frivilligsentralen på Hareid kl.19.00. Samlinga har ei tidsramme frå kl 19 til 21.

Nyheiter

Filmkveld i kyrkja 27/9 kl 18.30 - "Hva vil folk si?"

«Salmeboka minutt-for-minutt» i Hareid kyrkje 19/9 kl 19.00

Bøn før gudstenestane i Hareid kyrkje

Det er mykje godt som kan skje når fleire gode krefter går saman!

Nytilsett vaksenleiar i Hareid Ten Sing

Etter sedvane

På spor etter kristendommen i Hareid

Opningstider i sommar

Lause gjenstander ved gravminna

Vi går saman på vegen - trusopplæringa i Hareid

Haustprogram 2018 - Hareid kyrkje

Hareid kyrkjeakademi – eit nytt tilbod på Hareid

Hareid kyrkje er aktivt med på Opplev Hareid

Middelalder-reise i Hareid kyrkje - 14. juni kl 20.00

Preiketeksta frå Melshornet 2. pinsedag v/Margit Lovise Holte.

Gudsteneser Hareid i pinsa

Konfirmantar 2017/2018

Arbeid på kyrkjegarden fram til konfirmasjonshelga 12.-13. mai

KONSERT "Gud er glad i deg"

LEVE - lokalssamling Søre Sunnmøre - 23. april kl 19-21

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari