Barnehage

Dei siste vekene før jul og påske er det stor aktivitet i kyrkjene i Kvam. Då vert barnehagane inviterte til å delta på Krybbevandring og Påskevandring. Gruppene bør ikkje vera større enn 20 - 22 born eller mindre enn 10 born. Om de har få born på avdelingane, er det fint om fleire avdelingar kjem i lag. Opplegget tek 35 - 40 minutt (+ av- og påkledning), og passar for born mellom 3-6år 

Alle barnehagane må melde seg på til Bryna Opdal på e-post: bryna.opdal@gmail.com

Datoar krybbevandring 2022:

Fra onsdag 30.november - 12.desember

Tidspunkt : 10.00 eller 11.00 (kan endrast ved behov)

Velkommen!

JULESONGAR TIL KRYBBEVANDRING

Eit barn er født i Betlehem

Eit barn er født i Betlehem,
i Betlehem.
No frydar seg Jerusalem.
Halleluja, halleluja!

Her ligg han i eit krubberom,
eit krubberom,
men rår med evig herredom.
Halleluja, halleluja! 

Men okse der og asen stod,
og asen stod,
og såg den Gud og Herre god.
Halleluja, halleluja! 

Tre kongar kom frå Austerland,
frå Austerland,
gull, røykjels, myrra gav dei han.
Halleluja, halleluja!

No tenner vi det første lys

No tenner vi det første lys,

åleine må det stå.

Vi ventar på det vesle barn

i krubba lagt på strå.

No tenner vi det andre lys,

dei står der stilt og skin.

Vi ventar på at Gud, vår Far,

vil sende Sonen sin

No tenner vi det tredje lys,

det er eit heilagt tal.

Vi ventar på at Kongen vår

skal fødast i ein stall.

No tenner vi det fjerde lys

og natta vert til dag.

Vi ventar på ein Frelsarmann

for alle folkeslag.