Nesten kvar sundag feirer me messe i ein av kyrkjene i Kviteseid sokn. Skikken med å samle menigheten på sundag og feire Jesu oppstode frå dei døde går heilt tilbake til dei aller første kristne. Skikken er høgst levande i dag; anslagsvis ein milliard kristne samlast til messe over heile verda kvar sundag. Dette verdsvide fellesskapet får me vere ein del av.
Om du besøker kristne gudstjenester ulike stader vil du oppdage både fellestrekk og særtrekk. Også i Kviteseid har me fleire menighetsfellesskap som kvar feirer messe på si måte. To viktige særtrekk med den norske kyrkja si gudstjeneste er kyrkjeåret og dei lange liturgitradisjonane.
Kyrkjeåret tyder at kvar messe har sitt eige tematiske særpreg, bestemt av tida på året. Særpreget til kvar sundag finn du att i bibeltekstene som blir lest, i bøner, i salmer, i utsmykning m.m.
Det andre særtrekket er den tradisjonelle liturgien. Programmet for ein gudsteneste kallast liturgi, og i liturgiene våre nytter me element som har vore i bruk i gudstenesta heilt sidan dei fyrste gudstenestene blei feira.
Dele-knappar kan ikkje vises uten at du samtykker til bruk av funksjonelle cookies.For å gjera dette må du trykke på knappen heilt nedst i venstre hjørne og marker sjekkboks for funksjonelle cookies og deretter klikke på \"Oppdater samtykke\". Evt. klikk på \"Godta alle cookies\" for å godta alle kategoriar av cookies. Deretter må du laste siden på nytt.
