- Babysong
- Småbarnstreff med babysong er eit tilbod til alle foreldre eller besteforeldre som er heime på dagtid med eitt eller fleire born i alderen 0-3 år. Song, leik og formiddagsmat for dei minste på misjonshuset kvar torsdag kl 11-13.
- Kviteseid barnegospel
- Kor for born frå førskule til 3. klasse. Sangglede, andakt, leik og litt å bite i. Annakvar torsdag kl 17-18 på misjonshuset.
- Unge Røyster
- Kor for born frå 4. og 5. klasse. Annakvar torsdag kl 17-18 på misjonshuset.
- Tweensklubben
- Klubb for 5.-7. klasse på misjonshuset. Ein fredag i månaden frå kl 18-20. God mat, andakt, leik, spel aktiviteter og kiosk.
- Kviteseid MSK speidargruppe
- Speidaren har møte annankvar måndag kl 18 på speidarplassen ved elva mellom gamle Syftestad camping og Lie sag. I tillegg reiser dei på mange turar. Frå 5. klasse og oppover.
- Idrettsgruppe på Kvitsund
- Idrettsgrupper for born frå 1.-4. klasse. Bli med og ha det moro med ulike idrettar og leikar i gymsalen på Kvitsund! I pausa er det andakt og kake. Annankvar tysdag kl 17.30-18.30.
- Mi kyrkjebok
- Om hausten det året ein fyller 4 år, blir ein invitert til messe for å få "Mi kyrkjebok". Før gudstenesta har me ei samling i fylgje med vaksen. Då er det "undretur" for å bli betre kjent i kyrkja og lære om kva som skjer der. Me syng, leiker og har aktivitetar.
- Adventstreff for 5-åringar
- Like før advent det året ein fyller 5 år, blir ein invitert til messe for å få ein adventskalender. Før gudstenesta har me ei samling, gjerne saman med ein vaksen, der blit kjent med adventskalenderen. Me har og forteljing, song, drama og leik.
- Tårnagenthelg
- Tårnagenthelg vert arrangert om vinteren annakvart år, og er for alle 3. og 4. klassingar. Borna skal saman løyse oppdrag og mysterier gjennom bibelforteljingar og utforsking av kyrkjebygget og klokketårnet.
- Lys vaken
- Annankvart år inviterer me til eit overnattingsopplegg i kyrkja for 5. og 6.-klassingar på fyrste sundag i advent. Her skal borna få inspirasjon til å vere lys vakne for seg sjølve og andre og reflektere over kven Jesus er.
Tilbod for born
Me ynskjer å gje borna det dei treng av omsorg og kjærleik, og opplæring i den kristne trua.
