179 konfirmantar er no klare for dei siste førebuingane og konfirmasjonsgudstenestene dei neste par vekene. På avslutningssamlinga blei det naturleg nok ein del fokus på resultatet for fasteaksjonen. Konfirmantane har i år slått alle rekordar. I skrivande stund har Os kyrkjelyd samla inn kr 254.202,-! Vi er på 3. plass nasjonalt, og dette har og utløyst dei forskjellige «challenge-ane» konfirmantteamet gav konfirmantane: Kateket Gro Helen har fått lilla hår, sokneprest Roar har spist surstrømming, kyrkjelydsarbeidar Sylvi har barbert vekk håret(!) og konfirmantane kan gleda seg til kapellan Jostein skal dansa ut av kyrkja på konfirmasjonsgudstenestene 2. og 3. mai til Deg være ære. Men viktigast av alt: resultatet gjev 847 personar reint vann resten av livet. Takk til alle som har bidratt til rekordresultatet til årets fasteaksjon!
Innhald i dette nyheitsbrevet:
- Oversikt over helgas gudstenester
- Oversikt over søndagens bibeltekster med utdrag.
- Oversikt over aktivitetar og arrangement i kyrkjelyden framover
- Musikal med KOReDu
Gudsteneste søndag 26. april. 4. søndag i påsketida
Denne søndagen er det éi gudsteneste i Os Kyrkje kl 11.00.
Gudsteneste med dåp og nattverd v/ prostiprest Svante Havåg og organist Anna Cecilie Norlund Oksavik.
Søndagens Bibeltekstar:
· Jesaja 54, 7-10
For om fjella vik og haugane vaklar, skal min godleik aldri vika frå deg, mi fredspakt skal ikkje vakla, seier HERREN, som viser deg miskunn (Jes 54, 10)
· Filipparane 3, 12-14
Eg meiner ikkje at eg alt har nådd dette, eller alt er fullkomen, men eg jagar etter det for å gripa det, for eg er sjølv gripen av Kristus Jesus (fil 3, 12)
· Johannes 16, 16-22
Når ei kvinne skal føda, er ho uroleg, for tida hennar er komen. Men når ho har fødd barnet, hugsar ho ikkje lenger kor vondt ho hadde det, så glad er ho fordi eit menneske er fødd til verda. På same måten er det med dykk. No er de fylte av sorg, men eg skal sjå dykk att, og hjartet dykkar skal gleda seg, og den gleda skal ingen ta ifrå dykk (Joh 16, 21-22)
Det skjer i kyrkjelyden komande veke:
· Søndag 26. april
Tunet kl. 17: Musikalen Stå opp med KOReDU (sjå meir info nedanfor)
Os kyrkje kl. 18: Konsert med Os mannskor
Tunet kl. 19: Pizza og Bibel 13-15 og 16+
· Tysdag 28. april
Tunet kl. 09-15: Open barnehage
Nore Neset kyrkje kl. 11.30: Seniortreff
· Onsdag 29. april
Tunet kl. 12: Strikk til Tunet
Tunet kl. 18: Join Us
· Torsdag 23. April
Luranetunet kl. 10: Babysong-gjengen på Nore Neset tek med småtroll og songglede til Luranetunet denne dagen.
Tunet kl. 17.30: Familiekoret Shubadubs
· Fredag 1. mai
Os Aktiv kl. 18: KRIK Os. For ungdom frå 8. klasse og oppover.
· Laurdag 2. mai
Nore Neset kyrkje kl. 10.15, 12 og 13.45: Konfirmasjonsgudstenester
· Søndag 3. mai
Os kyrkje kl. 10.15, 12 og 13.45: Konfirmasjonsgudstenester
Konsert med KOReDu
· Det har vore eit travelt semester for koret vårt for 1.-7.trinn, KOReDu. Dei har vore med på innspeling av sangen Et nytt eventyr er nå med Lise René Aase (for dei som er på Spotify, sjekk ut sangen her: https://open.spotify.com/track/5kdb4uGcYObEhNB73aOOrp?si=3dfd72df58ea44e5)
Og dei har øvd inn musikalen Stå opp, som dei framfører i Storsalen i Tunet søndag 26. april kl 17. Kormedlemmane er superklare for å ta imot eit stort publikum. Dette bør alle få med seg! Sjå plakat nedanfor.
Vi ønskjer alle ei god helg!
