I kyrkja er dette ein festdag. Fasta sin fiolette farge er bytt ut med festfargen kvitt. Festen vert forsterka av den flotte songen og musikken, som er knytt til denne dagen. Bodskapen til Maria har inspirert ei mengt komponistar, ikkje minst til å tonesetje Maria sin lovsong, Magnificat, på vakkert og talande vis. Men også mange festprega og vakre salmar er knytte til dagen.
Alt dette kan me oppleve på festgudstenesta i Dale kyrkje, søndag 22. mars kl 11. Her får me også høve til å reflektere over og takke for Maria som føredøme og mor til alle truande, ved at ho tok på seg den store oppgåva å bere Jesus inn i verda og til oss.
Dette kan du lese meir om på
https://www.kirken.no/nb-NO/kristen-tro/kirkearet/spesielle-dager/maria-budskapsdag/.
Velkomen til Marimesse i Dale kyrkje!